उखु किसानको आन्दोलनमा कलाकारको ऐक्यवद्धता
काठमाडौं । लामो समयसम्म आफूहरुले पाउनुपर्ने बक्तौता रकम नपाएको भन्दै उखु किसानहरुले सोमबार पनि काठमाडौंमा विरोध प्रदर्शन गरेका छन् । सोमबार माइतीघरमा प्रदर्शनमा उत्रिएका उनीहरुले आफूहरुको माग पुरा नभए सिंहदरबार घेर्ने चेतावनी पनि दिएका छन् ।
चिनी मिल सञ्चालकबाट बक्यौता रकम उठाइदिन सरकारले गरेको बाचा पुरा नभएको भन्दै सर्लाहीका उखु किसानले आइतबारलेखि काठमाडौं केन्द्रित आन्दोलन सुरु गरेका हुन् ।
उनीहरूले गत वर्षको पुस १६ गते सरकारसँग भएको ५ बुँदे सम्झौता कार्यान्वयन गर्न माग गरेका छन् । सरकारले किसानसँग गरेको पटक पटकको बाचाअनुसार मंसिर २६ गतेसम्म किसानले बक्यौता प्राप्त गर्नुपर्ने भएपनि एक वर्षको अवधिमा कुनै प्रगति नभएको उखु किसान संघर्ष समितिले जनाएको छ । उखु किसानको आन्दोलनमा विभिन्न राजनीतिक दलले ऐक्यवद्धता जनाएका छन् ।