गण्डकी र कर्णाली प्रदेशमा गरी थप पाँच जना कोरोना संक्रमितको मृत्यु
काठमाडौं । कोरोना सक्रमणबाट कास्की, तनहुँ र दैलेखमा गरी थप पाँच जनाको मृत्यु भएको छ । कास्कीमा तीन र तनहुँमा गरी थप चार जना कोरोना संक्रमितको मृत्यु भएको छ ।
मृत्यु हुनेमा पोखरा महानगरपालिका वडा नम्बर १० का ८१ वर्षीय पुरुष, वडा नम्बर १३ का ५१ वर्षीय पुरुष, वडा नम्बर ७ का ६५ वर्षीय पुरुष र तनहुँको शुक्लगण्डकी नगरपालिका वडा नम्बर ८ का ७४ वर्षीय पुरुष छन् । योसँगै गण्डकी प्रदेशमा कोरोना संक्रमणबाट मृत्यु हुनेको संख्या १८० पुगेको छ ।
त्यसैगरी दैलेखका ८७ वर्षीय पुरुषको पनि कोरोना संक्रमणबाट मृत्यु भएको छ ।
