गुल्मीमा जिप दुर्घटना हुँदा पाँच जनाको मृत्यु
बुटवल । गुल्मीको इस्मा गाउँपालिकामा शुक्रबार बिहान जिप दुर्घटना हुँदा पाँच जनाको मृत्यु भएको छ । इस्मा–४ हुलबाट तम्घास आउँदै गरेको लु१ज ११६६ नम्बरको जिप सडकबाट खसेर दुर्घटना भएको हो ।
प्रहरीका अनुसार जिपमा सवार तीन पुरुष र दुई महिलाको घटनास्थलमै मृत्यु भएको छ । एक जना बेपत्ता छन् भने अर्का एक जना घाइते भएका छन् । मृतकहरूको सनाखत हुन सकेको छैन ।
