कोरोना संक्रमणबाट थप तीन जनाको मृत्यु

काठमाडौं । रुपन्देही, अर्घाखाँची र मकवानपुरमा गरी थप तीन जना कोरोना संक्रमितको मृत्यु भएको छ । रुपन्देहीको बुटवलकी ८५ वर्षीया महिला र अर्घाखाँचीका ७५ वर्षीय पुरुषको उपचारका क्रममा मृत्यु भएको हो ।

त्यस्तै, मकवानपुरको हेटौंडाकी एक महिलाको कोरोना संक्रमणबाट निधन भएको छ । ज्वरो, खोकी र श्वासप्रश्वासमा समस्या आई मंसिर ५ गते भरतपुर अस्पताल चितवनमा भर्ना भएकी उनलाई त्यही दिन कोभिड आइसियूमा राखी उपचार सुरु गरिएको थियो । तर उनको उपचारका क्रममा गएराति निधन भएको अस्पतालले जनाएको छ ।