बहालवाला निजामती कर्मचारीले अब लोकसेवाको तयारी कक्षा तथा प्रशिक्षण दिन नपाउने
काठमाडौँ । बहावाला निजामती कर्मचारीहरुले लोकसेवा आयोगको तयारी कक्षा तथा प्रशिक्षण जान नपाउने भएका छन् । सरकारले तयारी कक्षा तथा प्रशिक्षण कार्यक्रममा पढाउन जान रोक लगाएको हो ।
संघीय मामिला तथा सामान्य प्रशासन मन्त्रालयले यस्तो निर्णय गरेको हो । यो निर्णयपछि यसअघि अनुमति लिएर तयारी कक्षा तथा प्रशिक्षणमा संलग्न हुनेहरुलाई समेत बन्देज लाग्नेछ । मन्त्रालयले नयाँ मापदण्ड नबनेसम्म स्वीकृति नदिनसमेत मातहतका निकायलाई परिपत्र गरेको छ ।
मन्त्रालयले आइतबार जारी गरेको विज्ञप्तिअनुसार, सहसचिव र त्यो भन्दा माथिका कर्मचारीले मन्त्रिपरिषद् र सामान्य प्रशासन मन्त्रालयको स्वीकृति नलिई तयारी कक्षा लिन पाउने छैनन् । यो बन्देज लोकसेवा आयोगको विज्ञापन अनुसारका तयारी कक्ष तथा अन्य निकायका प्रतिस्पर्धाका तयारी कक्षाहरुमा समेत लागू हुनेछ ।
