कोरोना कहरकै बिच खुलामञ्चमा सर्वसाधारणलाई टीक फोटो फिचर
विश्वव्यापी बनेको कोरोना महामारीको चपेटामा परेको नेपालमा पछिल्लो समय संक्रमणको जोखिम बढिरहेको छ ।
उपत्यकामा संक्रमितको संख्या पनि दिनदिनै बढिरहेको छ । यसैबिच, आज विजया दशमीको दिन लकडाउन सुरु भएदेखि सर्वसाधारणलाई निःशुल्क खाना खुवाइरहेको हाम्रो टीम नेपालले खुलामञ्चमा सर्वसाधारणलाई टीक लगाइदिएको छ ।
कोरोना महामारी र लकडाउनका कारण रोजगारी गुमाएपछि खुलामञ्च लगायत उपत्यकाका विभिन्न स्थानमा सर्वसाधारणलाई निःशुल्क खाना खुवाइरहेको हाम्रो टीमले सोमबार टीका लगाएर दक्षिणा दिएको छ भने मासुभात पनि खुवाएको छ ।
दशैंको बेला घरमा गएर आमाबुवाको हातको आशिर्वाद भन्दा पनि ७ महिनादेखि निरन्तर खाना खुवाइरहेकाहरुलाई टीका लगाएर दशैं मनाउँदा सन्तुष्टि मिल्ने हाम्रो टीम नेपालका संस्थापक अध्यक्ष विमल पन्त बताउँछन् ।
