प्रधानमन्त्री ओलीद्धारा राष्ट्रपतिको हातबाट बडा दसैँको टीका ग्रहण
काठमाडौं । प्रधानमन्त्री केपी शर्मा ओलीले राष्ट्रपति विद्यादेवी भण्डारीबाट बडा दसैंको टीका ग्रहण गरेका छन् ।
प्रधानमन्त्री ओलीलाई शीतल निवासमा राष्ट्रपति भण्डारीले टीका र जमराको माला लगाइदिएका हुन्। त्यसबखत प्रथम महिला राधिका शाक्यले पनि राष्ट्रपतिबाट बडा दसैंको टीका र जमराको माला ग्रहण गरेकी थिईन्।
प्रधानमन्त्रीका पिता मोहनप्रसाद ओली गृह जिल्ला झापामा रहेकाले प्रधानमन्त्री ओलीले आफ्नो निवासमा प्रथम महिला शाक्यलाई मात्र दसैंको टीका लगाएका प्रधानमन्त्रीका प्रेस सल्लाहकार सूर्य थापाले जानकारी दिए ।
कोरोना भाइरस संक्रमण जोखिमका कारण यस वर्ष राष्ट्रपति र प्रधानमन्त्रीले सामूहिक टीकाको कार्यक्रम भने रद्द गरेका छन्।