सदर चिडियाखानालाई ललितपु महानगरको आर्थिक सहयोग
काठमाडौं । ललितपुरको जावलाखेलमा रहेको सदर चिडियाखानालाई ललितपुर महानगरपालिकाले आर्थिक सहयोग गरेको छ ।
महानगर प्रमुख चिरिबाबु महर्जनले बिहिबार एक कार्यक्रमबीच चिडियाखाना प्रमुख चिरञ्जिवी पोखरेललाई १० लाख रुपैयाँको चेक हस्तान्तरण गनरेका हुन् । कोरोना महामारीका कारण लामो समयदेखि चिडियाखाना बन्द अवस्थामा रहेकाले आम्दानीको मुख्य श्रोत टिकट काउन्टर बन्द भइ आर्थिक समस्या परेको थाहा पाएपछि महानगरले रकम सहयोग गरेको मेयर महर्जनले बताए ।
धेरै कर्मचारी तलब बिना काम गरिरहेको र कोरोना महामारीको कारण १ हजार बन्यजन्तु पाल्न चिडियाघरलाई गाह्रो भइरहेको थाहा पाएपछि समस्या परेको बेला सहयोग गरेको समेत उनले स्पष्ट पारे ।
त्यस्तै उनले चैत ११ गतेदेखि लकडाउन सुरु भएसँगै राहत वितरणसँगै महानगरभित्रका सडकमा रहेका बाँदर, पन्छी, कुकुर र सडकमा छाडिएका गाई गोरुहरुको पनि व्यवस्थापन गरेको जानकारी दिए ।