हामी बजारमा कस्तो खानेकुरा खान्छौं ?



काठमाडौं । काठमाडौंको बालाजु बाइपासमा सञ्चालित बज्रवाराही मिठाइ पसलको सोमबारदेखि बिक्री रोक्का गरिएको छ । पसल फोहोर भएको, तयारी खाद्य बस्तु खुल्ला राखेको, सेल, पुरी बनाउन प्रयोग गरिने भाँडा नमाझेको, तेल नफेरेको, भान्सा कहिल्यै सफा नगरेको, बिक्री गरेका बाँकी सामान भान्सामा राखेर सम्भव भएसम्म फेरि बेच्ने गरेको पाइएकोले बिक्री रोक्का गरिएको हो ।

महानगरको उपभोक्ता हित संरक्षण समिति पसलमा पुग्दा नुवाकोटतर्फ जाने यात्रीहरुको भीड थियो । उनीहरु पसलमा बिहानको खाजा खाइरहेका थिए । घामको प्रकाश नआउने पसलमा चहकिलो बत्ती पनि थिएन । खाना खुल्ला बेचिरहेको देखेर भित्र पसेको अनुगमन टोलीका समस्यहरुलाई भान्सामा १० मिनेट टिक्न कठिन भयो ।

ग्राहकहरु माथिल्लो तलामा खाजा खाइरहेका थिए । उनीहरुले माग गरेको सामान तल्लो तलाबाट आएको देखेर तल्लो तलामा जान खोज्दा व्यापारीले तल केही नभएको, आफ्नो सबै कारोबार माथिल्लो तलाबाट भएको भन्दै तल जान मानेनन् । उनीहरुको यो जिद्दी सुन्दै लाग्थ्यो — तल्लो तलामा केही न केही समस्या छ ।

यस्तो अनुगमन गरेर तल्लो तलामा पुगेको टोली १० मिनेट पनि टिक्न सकेन । काठको अप्ठ्यारो  भर्याङ्बाट तल झर्दा साँघुरा कोठा भएको ठाउँमा पुगियो । मधुरो प्रकाश आउने ती कोठामा मिठाइ बनाइँदै थियो ।

भान्सा र भास्नेको सफाइ र खाद्यबस्तुको चालचलन मानवस्वास्थ्य अनुकुल नभेटिएपछि अनुगमन टोलीले भौतिक अवस्था र सरसफाइमा सुधार नगरुञ्जेल पसलबाट कुनै पनि मिठाइ, तरकारी तथा अन्य खाद्यबस्तु बेच्न नपाउने गरी रोक्का गरेको हो ।

पसलमा लुकाएर राखेका कारण ढुसी आएको १ डेक्ची रोटी, २ डेक्ची समोसा, बिभिन्न खालका ८ बोरा मिठाइ, १ डेक्ची मालपुवा, ३
ट्रे गुँदपाक बरामद गरेर फोहोरको गाडीमा नष्ट गरिएको अनुगमन टोलीका संयोजक एवं महानगरको कृषि बिभागका प्रमुख हरिबहादुर भण्डारीले जानकारी दिए । मिठाइ पसलमा बेच्न राखिएका कुनै पनि खानेकुरा खानका लागि योग्य थिएनन्, भण्डारीको भनाइ छ ।

माछापोखरी क्षेत्रमा रहेका खाद्यान्न पसलहरुमा उपभोग गर्ने मिति सकिएका सामानहरु बेच्ने गरेको पाइयो । उपभोक्ता अधिकार संरक्षण मञ्चका अध्यक्ष माधव तिमिल्सेना भन्छन्—नुवाकोट, रसुवालगायत ठाउँबाट आएर हतारमा फर्किने जनसाधारणलाई यस्ता बस्तु बेच्ने गरिएको देखिन्छ । हतारमा भएका यात्रीले मिति हेर्दैनन् । उनीहरुलाई सामान प्राप्त गर्नुसँग मात्र सम्बन्ध देखिन्छ । तिमिल्सेकाअनुसार हरेक पसलमा आधाभन्दा धेरै सामान कि त म्याद सकिएका कि त लेवल नराखिएका छन् । आजै माछापोखरीमा रहेको तरकारी बजारको पनि अनुगमन गरिएको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः सापकोटा

काठमाडौँ । प्रधानमन्त्री पुष्पकमल दाहाल ‘प्रचण्ड’का परराष्ट्र मामिला सल्लाहकार डा रुपक सापकोटाले अर्थराजनीतिक

अर्थ मन्त्रालयका सहसचिवको संयोजकत्वमा बजेट मस्यौदा लेखन समिति गठन

काठमाडौँ । अर्थ मन्त्रालयले आगामी आर्थिक वर्ष २०८१/८२ का लागि बजेट मस्यौदा लेखन

पाल्पामा आफ्नै छिमेकीको हत्याका अभियुक्त पक्राउ

  पाल्पा । प्रहरीले  १९ वर्षीया युवती हत्याका अभियुक्त सार्वजनिक गरेको छ ।

सुदूरपश्चिम प्रदेश सरकारलाई दिएको समर्थन फिर्ता नलिए कारबाही गर्ने नाउपा अध्यक्ष रञ्जिताको चेतावनी

धनगढी । नागरिक उन्मुक्ति पार्टीले सुदूरपश्चिम प्रदेश सरकारलाई दिएको समर्थन फिर्ता लिन संसदीय