धरानमा झापाकी कोरोना संक्रमित महिलाको मृत्यु

धरान । बिपी कोइराला स्वास्थ्य ना विज्ञान प्रतिष्ठान, धरानमा भेन्टिलेटरमा उपचाररत एक कोरोना संक्रमितको मृत्यु भएको छ । झापाको कन्काइ नगरपालिका–३ की ४५ वर्षीया महिलाको आज बिहान मृत्यु भएको अस्पतालका प्रवक्ता डा. दिनेश सापकोटाले जानकारी दिए । उनको बिपी कोइराला स्वास्थ्य विज्ञान प्रतिष्ठानको कोरोना विशेष अस्पतालमा उपचार भइरहेको थियो ।

उनलाई भदौ १८ गते कोरोना संक्रमण पुष्टि भएको थियो । त्यसपछि उनी अस्पताल भर्ना भएकी थिइन् । उनमा दुई दिनदेखि ज्वरो र श्वासप्रश्वासमा समस्या देखिएको डा.सापकोटाले बताए । उनलाई श्वासप्रश्वासमा समस्या आएपछि दुई दिनदेखि भेन्टिेलटरमा राखिएको थियो । उपचारकै क्रममा आइतबार बिहान मृत्यु भएको हो । उनी मधुमेह रोगबाट पनि पीडित थिइन्।