इलाका प्रहरी कार्यालय बुटवलमा थप ११ जना प्रहरीमा कोरोना संक्रमण पुष्टि

बुटवल । इलाका प्रहरी कार्यालय बुटवलमा थप ११ जना प्रहरीमा कोरोना संक्रमण पुष्टि भएको छ । योसँगै ईलाका प्रहरी कार्यालयमा संक्रमितको संख्या ३० पुगेको छ ।

यसअघि भदौ १० गते हिरासतमा रहेका १५ जना थुनुवा र ४ जना प्रहरीमा कोरोना भाइरसको संक्रमण पुष्टि भएको थियो । थुनुवा र प्रहरीमा कोरोना संक्रमण पुष्टि भएपछि उनीहरुको सम्पर्कमा आएका र लक्षण देखिएका प्रहरीमा गरिएको परिक्षणमा सोमबार थप ११ जनामा कोरोना संक्रमण पुष्टि भएको हो । यो संख्या अझै बढ्न सक्ने अनुमान गरिएको छ ।

स्वाव संकलन गरेर पठाईएका मध्ये १९ जनाको रिपोर्ट आएको र त्यसमध्ये ११ जनाको रिपोर्ट पोजेटिभ आएको र अन्य ५ जनाको रिपोर्ट आउन बाँकी रहेको ईलाका प्रहरी कार्यालयले जनाएको छ ।

ईलाका प्रहरी कार्यालय बुटवलका प्रमुख प्रहरी नायब उपरीक्षक प्रतित सिंह राठौरले प्रहरी जवानदेखि जुनियर अधिकृतसम्मका २४ जनाको स्वाब संकलन गरिएकोमा १९ जनाको परिक्षण गर्दा ११ जनाको रिपोर्ट पोजिटिभ आएको जानकारी दिए । स्वाव संकलन गरिएका ५ जनाको रिपोर्ट आउन बाँकी रहेको छ । ईलाका प्रहरी कार्यालयमा १ सय ५० भन्दा बढी प्रहरी कर्मचारी कार्यरत छन् ।