वीरगंज महानगरपालिकाका मेयर सरावगीका पिताको निधन
काठमाडौं । वीरगंज महानगरपालिकाका मेयर विजयकुमार सरावगीका पिता तथा व्यवसायी चिरञ्जीवीलाल सरावगीको ७८ वर्षको उमेरमा निधन भएको छ । उनको गएराति ग्राण्डी अस्पतालमा उपचारका क्रममा निधन भएको हो । कोरोना संक्रमण देखिएपछि उनलाई साउन २४ गते काठमाडौस्थित ग्राण्डी अस्पतालमा उपचारका लागि भर्ना गरिएको थियो ।
तर उनमा भदौ २ गते कोरोना रिपोर्ट नेगेटिभ आएको थियो । मुटु र मृगौलामा जटिल समस्या देखिएपछि पिताको अतिसघन कक्षमा राखेर उपचार भइरहेकोमा आइतबार राति निधन भएको मेयर सरावगीले सामाजिक संचाल फेसबुकमार्फत जानकारी दिएका छन् । उनले पिताको आज बिहान १० बजे पशुपति आर्यघाटमा दाहसंस्कार गरिने बताएका छन् ।
