पुल्चोक इन्जिनियरिङ क्याम्पसमा एरोस्पेशको अध्ययन अध्यापन हुने
काठमाडौं । त्रिभुवन विश्वविद्यालय इन्जिनियरिङ अध्ययन संस्थान पुल्चोकमा एरोस्पेशको अध्ययन अध्यापन हुने भएको छ । मंगलबार बसेको मन्त्रिपरिषद बैठकले क्याम्पसलाई बि.ई. एरोस्पेशमा नयाँ थप कार्यक्रम अध्ययन अध्यापन गराउन अस्थायी स्वीकृति प्रदान गर्ने निर्णय गरेको हो ।
इन्जिनियरिङ अध्ययन संस्थान पुल्चोक क्याम्पस प्राविधिक शिक्षाको लागि देशकै अग्रणी क्याम्पस हो । नेपालमा एरोस्पेशको पढाइ नहुँदा नेपाली विद्यार्थीहरु विदेशमा लाखौं खर्च गरी पढ्न जाने गरेका थिए ।
