सिन्धुपाल्चोकको लिदीमा गएको पहिरोमा बेपत्ताको खोजी र उद्दारमा यसरी खटिएको छ नेपाली सेना, फोटोमा हेर्नुस्
काठमाडौं । नेपाली सेनाले शुक्रबार सिन्धुपाल्चोकको जुगल गाउँपालिका वडा नम्बर दुई लिदीमा गएको पहिरोमा हराइरहेकाहरुको खोजी र उद्दार जारी राखेको छ ।
नेपाली सेनाको श्री गोरखबक्स गणको खोज तथा उद्दार टोलीले सशस्त्र प्रहरी बल नेपाल, नेपाल प्रहरी, स्थानीय बासिन्दालगायत अन्य निकायहरुको सहयोगमा हालसम्म १९ जनाको शव फेला पारेको छ ।
तीमध्ये चार महिला, तीन पुरुष, पाँच बालिका र सात बालक छन् । पहिरोमा अझै २० जना हराइरहेका छन् । नेपाली सेनाले पहिरोको बिपत्तिमा परिरहेकाहरुलाई हेलिकप्टरबाट खाद्यान्न, लत्ता कपडा, पाल लगायत अत्यावश्यक राहत सामग्री पुर्याएको छ ।
फोटो : नेपाली सेना
