कपिलवस्तुबाट स्रोत नखुलेको १६ लाख रुपैयाँसहित एक जना पक्राउ
कपिलवस्तु । ससस्त्र प्रहरीले नेपाल भारत सीमा क्षेत्र नजिकबाट स्रोत नखुलेको १६ लाख नेपाली रुपैयाँ सहित एक जनालाई नियन्त्रणमा लिएको छ । मायादेवी गाउँपालिका वडा नम्बर एक पकडीका ३६ वर्षीय विनोद सोनारलाई १६ लाख रुपैया सहित नियन्त्रणमा लिईएकोे शशस्त्र प्रहरी निरिक्षक सन्तोष देवकोटाले जानकारी दिए ।
भारतबाट नेपाल आउँदै गरेका उनलाई बिशेष सूराकीका आधारमा मायादेवी गाउँपालिका वडा नम्बर ४ ठकुरापुर गोब्ली बगैंचाबाट ससस्त्र प्रहरीले नियन्त्रणमा लिएको हो । सोनारको साथबाट १ हजार दरका एक एक सय थानका १२ गड्डी र ५ सय दरका एक एक सय थानका ८ गड्डी बरामद गरेको हो ।
पक्राउ परेका सोनार र १६ लाख रुपैया सुठौली भन्सार कार्यालयमा बुझाईएको प्रहरी निरिक्षक देवकोटाले बताए ।
सुनको अवैध कारोवार गर्दै आएका उनले नेपालतर्फबाट सुन भारत तर्फ तस्करी गर्नका लागि सो रकम ओसारपोसार हुदै गरेको हुन सक्ने आशंका गरिएको छ ।
