नेपाली सेनाले खोल्यो लिपुलेक जाने बाटोको ट्रयाक
काठमाडौं । नेपाली सेनाले भारतद्वारा अतिक्रमित नेपाली भूमि लिपुलेक जाने बाटो निर्माणको आधा काम सकिएको जनाएको छ । नेपाली सेनाका प्रवक्ता सन्तोषबल्लभ पौडेलले ट्वीटरमार्फत लिपुलेक जाने बाटो निर्माणको आधा काम सकिएको जानकारी दिएका हुन् ।
प्रवक्ता पौडेलका अनुसार घाँटीबगरदेखि छागंरुसम्मको ट्रयाक खोल्ने क्रममा २ सय ५० मिटर ट्रयाक खोलिसकिएको छ । उनका अनुसार सो सडकखण्डको पूरा ट्रयाक ४५० मिटर रहेको छ । लिपुलेक जाने ट्रयाक खोल्न सेनाको एक टुकडी केही समयदेखि सो स्थानमा छ ।
