‘अप्रमाणित, पौराणिक र विवादास्पद कुरा बोलेर विद्वान भइन्छ भन्नु ठूलो भ्रम हो’



काठमाडौं । कालापानी, लिम्पियाधुरा, लिपुलेक समेटेर नेपालले नक्सा जारी गरेपछि भारत नेपालसँग रिसाएको छ । नेपालले वार्ताका लागि गरेको आग्रहलाई भारतले बेवास्ता गर्दै आएको छ । कुटनीतिक माध्यमबाट समस्या समाधान गर्नुपर्नेमा प्रधानमन्त्री केपी शर्मा ओलीले विवादास्पद अभिव्यक्ति दिने गरेकाले भारत झनै रुष्ट बनेको छ ।

संसद बैठकमा सम्बोधनका क्रममा कहिले भारतको भाइरस कडा त सिंह मेव जयते कि सत्य मेव जयते जस्ता अभिव्यक्ति दिएर भारतलाई रुष्ट बनाएका प्रधानमन्त्री ओलीले अहिले अयोध्या नेपालमा पर्ने अभिव्यक्ति दिएका छन् । यस्तो बेलामा प्रधानमन्त्रीको यस्तो अभिव्यक्तिले भारत झनै रुष्ट हुने ठानिएको छ । सार्वजनिक कार्यक्रममा भाषण गरेर भारतलाई थर्काउने कि कुटनीतिक माध्यमबाट समाधान खोज्ने भन्ने प्रश्न उठेको छ । प्रधानमन्त्रीको भनाईलाई लिएर सामाजिक संजालमा पक्ष विपक्षमा टिप्पणी आएका छन् ।

राप्रपा अध्यक्ष कमल थापा लेख्छन्, ‘प्रमको स्तरबाट यस्ता उटपट्यांग, अपुष्ट र अप्रमाणित कुरा आउनु सर्वथा उपयुक्त छैन । भारतसंग सम्बन्ध सुधार्ने भन्दा बिगार्ने तर्फ प्रमको ध्यान गए जस्तो लाग्छ । नक्सा प्रकाशित गरेर अतिक्रमित भूमी फिर्ता ल्याउने प्रयास गर्न छाडेर दुई देशको सम्बन्धमा अनाबश्यक विवाद सिर्जना गर्नु राम्रो होईन।’

त्यस्तै जुगल भुर्तेल लेख्छन्, ‘ यो रामको लफडा चैं सबैभन्दा महँगो लफडा हो । आजको भारतमा ‘जय श्री राम’ सबथोक हुन्। तिनले बरू लिम्पियाधुरा देलान्, तर राम कदापि दिँदैनन् । थाइल्याण्डमा समेत अयोध्या छ । राम सर्वव्यापी जगदीश्वर थिए, एकैचोटि सबैतिर जन्मिए होलान् भनेर चित्त बुझाऔं।अब के गर्नु !’

 

प्रधानमन्त्रीको भनाईप्रति सामाजिक संजालमा व्यक्त विचारहरु

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कैलालीमा गर्मीले बेहोस भएका एक व्यक्तिको मृत्यु

सुदूरपश्चिम । अत्यधिक गर्मीपछि बेहोस भएका धनगढी उपमहानगरपालिका–१६ का ५३ वर्षीय बलराम मग्राठीको

बजेटबारे सांसदहरुको चर्को असन्तुष्टि

काठमाडौँ । सरकारले आगामी आर्थिक वर्ष २०८१/८२ का लागि ल्याएको बजेटमाथि संसद्मा चर्को

यार्सागुम्वा सङ्कलनका लागि फोक्सुण्डोतर्फ जाँदै स्थानीयवासी

यार्सागुम्वा सङ्कलनका लागि डोल्पाको जगदुल्ला गाउँपालिका–४ कागमारा हिमाल (पाटन) पार गरेर फोक्सुण्डोतर्फ घोडासहित

शिक्षामा दलीय राजनीति रोक्ने निर्णयबाट पछि हट्दिनँः शिक्षामन्त्री श्रेष्ठ

काठमाडौँ । शिक्षा, विज्ञान तथा प्रविधिमन्त्री सुमना श्रेष्ठले शिक्षा क्षेत्रलाई दलीय राजनीतिमुक्त बनाउने