कोरोना संक्रमण अझै बाँकी रहेकाले सतर्कता अपनाउन डब्लूएचओका नेपाल प्रमुखको आग्रह
काठमाडौं । नेपालस्थित विश्व स्वास्थ्य संगठनका प्रमुखले कोरोना महामारी अझै बाँकी रहेकाले सर्तकता अपनाउन आह्वान गरेका छन् । सोमबार संगठनका नेपाल प्रमुख डाक्टर जोस भ्यान्डेलरले नेपाल सरकारले लडकडाउन खुकुलो बनाएपनि कोरोना महामारी टरिनसकेकाले आवश्यक सर्तकता अपनाउन आह्वान गरेका हुन् ।
लकडाउन खुकुलो बनाएसंगै सर्वसाधरणको क्रियाकलाप बढ्दै गएको भन्दै त्यस्ता भेटघाटमा सबैले आफ्नोतर्फबाट सतर्कता अपनाउनुपर्ने उनले बताए । उनले कोरोना संक्रमण नियन्त्रणका लागि प्रत्येक व्यक्तिले जीवनशैली र कार्यशैलीमा परिर्वतन गर्नुपर्ने बताए । उनले अत्यावश्यक कामबाहेक बाहिर ननिस्कन, भीडभाडमा नजान र दुरी कायम गर्न पनि आग्रह गरे ।
उनले बाहिर निस्कँदा मास्क अनिवार्य लगाउन तथा पटक पटक साबुन पानीले हात धुनसमेत आग्रह गरेका छन् । उनले समान्य ज्वरो, रुघाखोकी लागेमा तत्काल चिकित्सककोमा जान सुझाव दिएका छन् ।
