कोरोना संक्रमणबाट चितवनमा एक जनाको मृत्यु
चितवन । कोरोनाभाइरसको सङ्क्रमणबाट चितवनको भरतपुर अस्पतालमा उपचाररत एक जनाको मृत्यु भएको छ । भरतपुर अस्पतालको आइसीयुमा उपचार गराइरहेका ६८ वर्षीय पुरुषको मंगलबार बिहान मृत्यु भएको हो ।
उनलाई सोमबार मात्रै कोरोना सङ्क्रमण पुष्टि भएको थियो । नारायणी सामुदायिक अस्पतालमा उपचार गराइरहेका उनलाई कोरोना सक्रमण भएपछि भरतपुर अस्पताल सारिएको हो । लामो समयदेखि मुटुका बिरामी उनमा निमोनियाको लक्षण देखिएपछि सोमबार कोरोना परीक्षण गरिएको थियो । कोरोनाबाट बिरामीको मृत्यु भएसँगै चितवनमा थप सतर्कता अपनाइएको छ ।
मृतकका परिवार र उनलाई भेट्न आएकाहरुको सम्भाव्य ट्रेसिङ गर्ने काम र उनीहरूको स्वास्थ्य परीक्षण गर्ने काम शुरु भइसकेको अस्पतालले बताएको छ ।
सोमबार मात्रै चितवनको कोभिड १९ परीक्षण प्रयोगशालामा परीक्षण गरिएकामध्ये ३० जनामा कोरोना सङ्क्रमण पुष्टि भएको थियो ।
