रुकुम हत्याकाण्डको निष्पक्ष र गहिरो छानबिन गर्न कांग्रेसको माग

काठमाडौं । नेपाली कांग्रेसले रुकुम पश्चिममा भएको नृशंस हत्याकाण्ड गम्भीर र यसले केही गम्भीर प्रश्नहरु उब्जाएको बताएको छ । पार्टी प्रवक्ता विश्वप्रकाश शर्माले विज्ञप्ति जारी गरी देशलाई नै स्तब्ध बनाएको घटनाको निष्पक्ष र गहिरो छानबिन गरेर कुनै मोलाहिजा बेगर दोषीलाई कडा कार्वाही गर्न माग गरेका छन् ।

उनले घटनाले सामाजिक विभेद र बिसंगतिको प्रश्न, राज्य प्रशासनको भूमिकामा प्रश्न र निष्पक्ष अनुसन्धान र दण्डको प्रश्न उब्जाएको बताएका छन् । उनले घटनामा जीवन गुमाएका नवराज बिक, टिकाराम सुनार र गणेश बुढा मगरको आत्माको शान्ति कामना गर्दै नेपाली कांग्रेस भेरी नदिमा बेपत्ता भएका भनिएका अन्य युवाको तदारुकता साथ खोजी गर्न सरकारसँग माग गरेका छन् ।