साउदी अरबमा ६७४ जना नेपालीलाई कोरोना संक्रमण, एक जनाको मृत्यु

काठमाडौं । साउदी अरबमा रहेका ६ सय ७४ जना नेपालीलाई कोरोना भाइरसको संक्रमण भएको छ। साउदीस्थित नेपाली दूतावासले हाल सम्म ६७४ जनामा कोरोना संक्रमण भेटिएको जनाएको छ । जसमा ११ महिला छन् । कोरोना संक्रमणबाट एक जनाको मृत्यु भएको छ ।

दूतावासका अनुसार साउदी अरबको पूर्वी क्षेत्र (जहाँ नेपाली श्रमिकहरूको ठूलो उपस्थति रहेको छ) मा ३३६ जना, पश्चिमक्षेत्र (मक्का, मदिना, जेद्दा र जजान आदि) मा १४८ जना, रियाद क्षेत्रमा १७५ जना, कसिम क्षेत्रमा ३ जना, हायल क्षेत्रमा ३ जना र अन्य स्थानमा ९ जना नेपालीहरु संक्रमित भएका छन् ।

दूतावासका अनुसार संक्रमित भएकामध्ये कैयौँ जना निको भई काममा फर्किसकेका छन् । तीनजना नेपालीको मृत्युको कारण प्रष्ट नभएकाले खुलाई पठाइदिन साउदी सरकारलाई अनुरोध गरिएको दूतावासले जनाएको छ।