पहिलेका शासकहरुले गरेको गल्तीका कारण अहिलेको पुस्तालाई पीडाः गृहमन्त्री



काठमाडौं । भारतले नेपाली भूमि मिचेर मानसरोबर जाने सडक मार्ग उद्घाटन गरेको विषयमा प्रतिनिधिसभाको राज्य व्यवस्था तथा सुशासन समितिले दुई पक्षीय संवादको तुरुन्तै र लगातार पहल गर्न निर्देशन दिएको छ । आइतबार बसेको समितिको बैठकले दुई पक्षीय वा त्रिपक्षीय पहलबाट पनि नभए यो विषयलाई अन्तराष्ट्रियकरण गर्न पनि सुझाब दिएको छ ।

नेपालको सार्वभौमिकतामाथि बलात् हस्तक्षप र थिचोमिचो गर्दै भारतले तेस्रो मुलुक पुग्ने सडक निर्माण गर्नु अतिक्रमणकारी नीति भएको समितिको ठहर छ । समितिले भारत सरकारको यस कदमप्रति खेद व्यक्त गर्दै घोर भत्र्सना समेत गरेको छ । अतिक्रमणकारी कदम त्याग्न छिमेकीसँगको मैत्रीपूर्ण सम्बन्धको सम्मान गर्न, पञ्चशीलको सिद्धान्तको आधारमा अन्तराष्ट्रिय सम्बन्धलाई क्रियान्वयन गर्न समेत आग्रह गरिएको समिति सभापति शशी श्रेष्ठले जानकारी दिइन् ।

बैठकमा गृहमन्त्री रामबहादुर थापाले पहिलेका शासकहरुले गरेको गल्तीका कारण अहिलेको पुस्ताले पीडा भोग्नुपरेको बताए । भारतले चीनबाट बच्नका लागि नेपालको सीमामा सेना राख्ने अनुमति माग्दा तत्कालीन शासकहरूले अनुमति दिएर गम्भीर गल्ती गरेको पनि उनले बताए । त्यस्तै मन्त्री थापाले परराष्ट्रले पठाएको नोट सही भएको उल्लेख गर्दै अहिले नै यसलाई अन्तराष्ट्रियकरण गर्ने बेला नभएको बताए ।

बैठकमा सांसदहरू दिलेन्द्रप्रसाद बडु र जनार्दन शर्माले सीमा विवादको विषयलाई अन्तराष्ट्रियकरण गर्नुपर्ने माग उठाएका थिए । उनीहरुले नेपालको वास्तविक नक्सा छिटै सार्वजनिक गर्नुपर्ने र सीमा बिषयमा सरकार गम्भीर हुनुपर्ने बताए । भारतले नेपाली भूमि प्रयोग गर्दै केही वर्षदेखि सडक बनाइरहेको भए पनि शुक्रबार भारतीय गृहमन्त्री राजनाथ सिंहले उद्घाटन गरेपछि सीमा विवाद फेरि सतहमा आएको हो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
गायक तथा सङ्गीतकार आचार्यप्रति अन्तिम श्रद्धाञ्जलि

  काठमाडौँ । वरिष्ठ गायक तथा सङ्गीतकार भक्तराज आचार्यप्रति श्रद्धाञ्जलिका लागि उनको पार्थिव

तत्कालिन सेन्चुरी बैंकका सिईओ पक्राउ

काठमाडौं । प्रहरीले तत्कालिन सेन्चुरी कमर्सियल बैंकका प्रमुख कार्यकारी अधिकृत मनोज न्यौपानेलाई पक्राउ

सात महिनामा सवारी दुर्घटनामा परी झापामा ४९ जनाको मृत्यु

झापा । झापामा सवारी दुर्घटनामा परी पछिल्लो सात महिनामा ४९ जनाको मृत्यु भएको

एकल महिलाद्वारा रोजगारीको माग

कैलाली । कैलालीको टीकापुरकी साहुनी बुढाका श्रीमानको गत वर्ष मृत्यु भयो । कमाइ