१६ हजारको पिसिआर बिधिबाट कोरोना परीक्षण
काठमाडौं । सरकारले मुलुकभर कोरोना परीक्षणको दायरा बढाउदै लगेको जनाएको छ । स्वास्थ्य तथा जनसंख्या मन्त्रालयले हाल पिसिआर किट्स प्रयाप्त रहेको भन्दै कोरोना परीक्षणको दायरा बढाउँदै लगेको जनाएको हो । शनिबार आयोजित नियमित पत्रकार सम्मेलनमा मन्त्रालयका प्रवक्ता डा विकास देवकोटाले अहिले ५० हजार भन्दा बढी पिसिआर परीक्षण किट्स रहेको जानकारी दिए ।
उनका अनुसार १६ हजार ९ जनाको पिसिआर बिधिबाट कोरोना परीक्षण गरिएको छ भने ५५ हजार ९ सय भन्दा बढीको र्यापिड बिधिबाट कोरोना परीक्षण गरिएको छ । उनले मुलुकभर क्वारेन्टाइनमा १४ हजार ५९२ जना रहेका र ३४० जना रेड जोनमा रहेका जानकारी दिए । प्रवक्ता देवकोटाले शनिबार भेटिएका थप कोरोना संक्रमितको उपचार सुरु गरिसकेको बताए ।
