बुद्ध जयन्तीमा यसरी गरियो बालुवाटारमा दीप प्रज्वलन
काठमाडौं । प्रधानमन्त्री केपी शर्मा ओलीले आफ्नो मन्त्रिपरिषदका सदस्यहरुलाई साथमा राखेर बुद्ध जयन्तीका अवसरमा प्रधानमन्त्री निवास बालुवाटारमा बिहीबार साँझ दीप प्रज्वलन गरेका छन् । बुद्ध जयन्तीको अवसर र कोरोना भाइरस विरुद्ध लडिरहेका स्वास्थ्यकर्मी र सुरक्षाकर्मी लगायतको सम्मानस्वरुप सरकारले दीप प्रज्वलन गर्ने निर्णय बुधबार नै गरेको थियो ।
सरकारले सबै नागरिकहरुलाई दीप प्रज्वलन गर्न आह्वान समेत गरेको थियो । सोही अनुरुप बिहीबार साँझ बालुवाटारस्थित प्रधानमन्त्रीको निवासमा प्रधानमन्त्री केपी ओली, उपप्रधान तथा रक्षामन्त्री ईश्वर पोखरेल र अन्य मन्त्रीहरुले संयुक्त रुपमा दीप प्रज्वलन गरेका थिए । कार्यक्रममा बुद्ध धर्मावलम्वी अगुवाहरु समेत सहभागी थिए ।
