आवासीय भिसा समाप्त भएका विदेशीलाई १४ दिनभित्र देश छाड्न मलेसियाको निर्देशन
काठमाडौँ । मलेसियाको अध्यागमन विभागले जनवरी १ पछि आवासीय भिसा समाप्त भएका नेपालीसहित विदेशी कामदारलाई आवागमन नियन्त्रण आदेश (एमओसी) पनि सकिएको १४ दिनभित्र मलेसिया छाड्न निर्देशन जारी गरेको छ ।
मलेसियाको क्वालालम्पुरस्थित नेपाली दूतावासका अनुसार त्यस्ता कामदारलाई सिधै टिकट काटेर आफ्नो देश फर्किन अनुमति दिइएको छ । मलेसियाको एमओसीमा आगामी मे १२ देखि सकिँदैछ ।
फिर्ता हुन चाहनेले अध्यागमन विभाग कार्यालयमा थप कागजात वा पास बनाउन आवश्यक नभएको दूतावासले जनाएको छ । त्यसका लागि उनीहरुलाई कुनै जरिवाना भने नलाग्ने दूतावासले जनाएको छ ।
