सभामुखद्वारा संसदका नवनियुक्त महासचिव गौतमलाई पद तथा गोपनियताको सपथ
काठमाडौं । सभामुख अग्निप्रसाद सापकोटाले संघीय संसदका नवनियुक्त महासचिव डा. भरतराज गौतमलाई पद तथा गोपनियताको सपथ गराएका छन् । मंगलबार संघीय संसद सचिवालय सिंहदरबारमा आयोजित कार्यक्रममा सभामुखले गौतमलाई पद तथा गोपनियताको शपथ गराएका हुन् ।
कार्यक्रममा राष्ट्रिय सभाका अध्यक्ष, उपाध्यक्ष, संसदीय दलका नेता, सचेतक र समिति सभापतिहरुको उपस्थिति रहेको थियो । गौतमलाई राष्ट्रपति विद्यादेवी भण्डारीले सोमबार संघीय संसदको महासचिवमा नियुक्त गरेकी थिइन् ।