प्रधानसेनापति थापाद्वारा शर्मालाई दज्र्यानी चिन्ह प्रदान
काठमाडौं । प्रधानसेनापति पूर्णचन्द्र थापाले रथीमा पदोन्नति भएका प्रभुराम शर्मालाई दज्र्यानी चिन्ह प्रदान गरेका छन् । जंगी अड्डामा आइतबार आयोजित कार्यक्रममा प्रधानसेनापति थापाले शर्मालाई दज्र्यानी चिन्ह प्रदान गरेका हुन् । शर्मालाई वैशाख १४ गते बसेको मन्त्रिपरिषद बैठकले रथीमा बढुवा गरेको थियो ।
शर्मालाई बलाध्यक्षको जिम्मेवारी दिइएको छ । बलाधिकृत रथी शरद गिरीले असार पहिलो साता अवकास पाएपछि शर्मा बलाधिकृत रथी बन्नेछन् ।
त्यसैगरी सहायक रथीबाट उपरथीमा बढुवा भएका कुमार अधिकारी र संजय थापाले प्रधानसेनापति थापाबाट दज्र्यानी चिन्ह पाएका छन् । उपरथी अधिकारीलाई उपत्यका पृतनाको पृतनापति र अर्का उपरथी थापालाई मध्य पश्चिम पृतनाको पृतनापतिको जिम्मेवारी दिइएको छ।
