सरकारद्वारा संघीय संसदको बजेट अधिवेशन वैशाख २६ गते बोलाउन सिफारिस
काठमाडौं । सरकारले वैशाख २६ गते संसदको बजेट अधिवेशन बोलाउन राष्ट्रपतिलाई सिफारिस गर्ने निर्णय गरेको छ । आइतबार प्रधानमन्त्री निवास बालुवाटारमा बसेको मन्त्रिपिरषद् बैठकले बैशाख २६ गते अधिवेशन आह्वान गर्न राष्ट्रपतिलाई सिफारिस गर्ने निर्णय गरेको हो । मन्त्रिपरिषदको सिफारिसमा राष्ट्रपतिले संसद अधिवेशन आह्वान गर्ने प्रचलन छ ।
कोरोना महामारीका कारण सामाजिक दूरी कायम गरी संसद भवनमा सांसदहरुलाई बस्ने व्यवस्था मिलाइएको छ । प्रधानमन्त्रीले गत साता संसद बैठक कक्षकोसमेत अवलोकन गरेका थिए । संवैधानिक व्यवस्थाअनुसार सरकारले हरेक वर्ष जेठ १५ गते आगामी वर्षको बजेट सार्वजनिक गर्नुपर्ने हुन्छ ।
