सुलभ अग्रवाललाई २५ लाख ५० हजार धरौटीमा छाड्न अदालतको आदेश
काठमाडौं । जिल्ला अदालत काठमाडौंले थर्मल गन कालोबजारी गरेको आरोपमा पक्राउ परेका व्यवसायी सुलभ अग्रवाललाई धरौटीमा छाड्न आदेश दिएको छ । काठमाडौं जिल्ला अदालतका न्यायाधीश ब्रजेश प्याकुरेलको इजलासले २५ लाख ५० हजार रुपैयाँ धरौटीमा छोड्ने आदेश गरेको काठमाडौं जिल्ला अदालतका स्रेस्तेदार आनन्द श्रेष्ठले जानकारी दिएका छन् ।
उनी गत चैत २५ गते कालोबजारी गरेको आरोपमा पक्राउ परेका थिए । तीन हजार पर्ने थर्मलगनलाई १५ हजार रुपैयाँमा विक्रि गर्न लागेका बेला प्रहरीले उनलाई पक्राउ गरेको थियो । अग्रवाल शंकर ग्रुपका अध्यक्ष एवं जगदम्बा स्टिल्स र सिमेन्टका सञ्चालक पनि हुन् ।