नेकपाभित्र देखिएको विवादले आमजनता निरासः पूर्वसभामुख महरा
काठमाडौं । पूर्वसभामुख कृष्णबहादुर महराले पार्टीभित्र देखिएको विवाद मिलाउन संवाद, सहमति र सहकार्यबाट अघि बढ्न शीर्ष नेतृत्वलाई अपील गरेका छन् । बुधबार विज्ञप्ति जारी गरी पूर्वसभामुख महराले पार्टीभित्र देखिएको विवादले आमजनता निराश भएकाले जटिल अवस्थामा एकता प्रदर्शन गर्न अपील गरेका हुन् ।
उनले भनेका छन्, ‘अहिलेको विषम परिस्थितिमा राष्ट्रिय एकता अपरिहार्य देखिएको छ । हालको अवस्थामा सबै दल तथा जनसुदाय मिलेर कोरोना भाइरस विरुद्ध संघर्ष गर्ने बेला हो। मुलुककै सबैभन्दा ठूलो तथा सरकार सञ्चालन गरिरहेको दल नेपाल कम्युनिष्ट पार्टी (नेकपा) भित्र देखिएको विवादले आम जनता निरास बनेका छन्। यस्तो जटिल अवस्थामा दलहरुबीच एकता र सहकार्य हुनपर्नेमा विवाद देखिनुलाई राम्रो मान्न सकिदैन। दलहरुबीच आन्तरिक एकता कायम गरेर संवाद, सहमति र सहकार्यबाट अगाडी बढ्न म हार्दिक अपील गर्दछु।’
