स्वास्थ्य सचिव कोइरालाको भनाई अभद्र र अशोभनीयः चिकित्सक संघ
काठमाडौं । नेपाल चिकित्सक संघले स्वास्थ्य यादव कोइरालाको भनाई अशोभनीय र अभद्र भन्दै आपत्ति जनाएको छ । संघले सोमबार विज्ञप्ति जारी गरी विचार गरेर मात्र अभिव्यक्ति सार्वजनिक गर्न माग गरेको हो । स्वास्थ्य क्षेत्रमा करार, दैनिक ज्यालादारीमा नियुक्ति गर्नुको साट्टा स्थायी दरबन्दी वृद्धि गरी तत्काल लोकसेवा आयोगबाट स्थायी पदपूर्ति गर्न समेत संघले माग गरेको छ।
सचिव कोइरालाले शुक्रराज ट्रपिकल तथा सरुवा रोग अस्पतालका डाक्टर शेरबहादुर पुनका विषयमा एक सञ्चार माध्यममा जथाभावी बोलेका थिए । उनले भनेका छन्, ‘त्यो करारको हो, त्यो हामीले बोलाउँदा नआउने, हामीले करारको कर्मचारीलाई चाहेका बेला निकाल्न सक्छौं, के को स्पष्टिकरण ?’
