बालुवाटारमा प्रधानमन्त्रीसहित तीन नेताको सामूहिक छलफल
काठमाडौं । प्रधानमन्त्री केपी शर्मा ओलीले नेपाली कांग्रेसका सभापति शेरबहादुर देउवा र नेकपाका अध्यक्ष पुष्पकमल दाहालसँग सामूहिक भेटवार्ता गरेका छन् । प्रधानमन्त्री ओलीले दुई नेतालाई भेटका लागि बालुवाटार बोलाएका हुन् ।
सोमबार जारी गरेका दुई अध्यादेश फिर्ता लिने निर्णय गरेसँगै शुक्रबार दिउँसो प्रधानमन्त्री ओलीले कांग्रेस सभापति देउवा र नेकपाका अध्यक्ष प्रचण्डलाई भेटवार्ताका लागि बालुवाटार बोलाएका हुन् । भेटमा पछिल्लो परिस्थिति र परस्पर समझदारीमा जोड दिने विषयमा छलफल भइरहेको प्रधानमन्त्रीका प्रेस सल्लाहकार सूर्य थापाले जानकारी दिएका छन् ।
अध्यादेश राष्ट्रपति विद्यादेवी भण्डारीले खारेजसमेत गरिसकेकी छन् । दल विभाजन सम्बन्धी र संबैधानिक परिषद् सम्बन्धि अध्यादेश सरकारले सोमबार जारी गरेको थियो । तर पार्टी भित्रै र बाहिरबाट धेरै आलोना खेपेपछि प्रधानमन्त्री ओली अध्यादेश फिर्ता लिन बाध्य भएका थिए ।
