फेरि थपिए दुई जना कोरोना संक्रमित, नौ जना डिस्चार्ज

काठमाडौं । नेपालमा थप दुई जना कोरोना संक्रमित भेटिएका छन् । राष्ट्रिय जनस्वास्थ्य प्रयोगशाला टेकुमा गरिएको परीक्षणका क्रममा उदयपुरकी ५५ वर्षीया महिला र धनुषाका १४ वर्षीय पुरुषमा कोरोना संक्रमण पोजेटिभ देखिएको हो ।

योसँगै कोरोना संक्रमितको संख्या ४७ पुगेको छ । त्यसैगरी पेप्सीकोलास्थित सनसिटीका दुई जना कोरोना संक्रमित निको भएपछि घर फर्किएका छन् । उनीहरुको पाटन अस्पतालमा उपचार भइरहेको थियो । योसँगै उपचारपछि निको भई डिस्चार्ज हुनेको संख्या ९ पुगेको छ ।