वर्तमान सरकार लोकतन्त्रलाई कमजोर पार्ने खेलमा उद्यत :देउवा



काठमाडौं । प्रमुख प्रतिपक्षी नेपाली कांग्रेसका सभापति शेरबहादुर देउवाले लोकतन्त्र कमजोर पार्ने खेलमा सरकार उद्दत रहेको बताएका छन्। लोकतन्त्र दिवसको शुभकामना दिँदै बिहीबार देउवाले विज्ञप्ति जारी गरी सभापति देउवाले सरकारले संवैधानिक परिषद र राजनीतिक दल सम्बन्धी अध्यादेश ल्याएर संविधानको मर्मविपरीत काम गरेको उल्लेख गरेका छन्।

लोकतन्त्र दिवसको सन्देश
मुलुकमा लोकतन्त्रको स्थापना र पुनस्र्थापनाका लागि विगतमा पटक पटक गरिएका लोकतान्त्रिक आन्दोलनहरुमा आफ्नो प्राणको आहुती दिनु हुने सम्पूर्ण ज्ञात अज्ञात वीर शहिदहरुप्रति लोकतन्त्र दिवसका अवसरमा उहाँहरुको समर्पण, साहस र वलिदानको म स्मरण गर्दछु र उहाँहरुप्रति हार्दिक श्रद्धाञ्जली अर्पण गर्दछु ।
वि.सं. २००७ साल अघिदेखि प्रारम्भ भएको संघर्षको पृष्ठभूमिमा निरंकुश राजतन्त्रको अन्त्य र पूर्ण लोकतन्त्र वहालीका लागि २०६२÷०६३ मा नेपाली कांग्रेस लगायत अन्य राजनीतिक दलहरुद्वारा संचालित ऐतिहासिक जनआन्दोलनले २०६३ वैशाख ११ गते मुलुकमा एक युगान्तकारी परिवर्तन ल्याएको थियो । यो दिनलाई हामी सबैले गौरवका साथ स्मरण गर्दै हरेक वर्ष लोकतन्त्र दिवसका रुपमा मनाउँदै आएका छौँ ।
वर्तमान नेकपाको सरकारले देश कोरोनाको कारण लकडाउनको अवस्थामा रहेको बेला संवैधानिक परिषद् र राजनीतिक दल सम्बन्धी दुई वटा अध्यादेश ल्याएर वर्तमान संविधानको मूल मर्म र लोकतान्त्रिक मूल्य र मान्यताको घोर उल्लंघन गर्दै नेपाली जनताको त्याग र वलिदानबाट प्राप्त लोकतन्त्रलाई कमजोर पार्ने खेलमा उद्यत हुन थालेको छ । लोकतन्त्र माथिको यो घृणित कार्यको हामी सबैले भत्र्सना गर्नु पर्दछ । उक्त अध्यादेशहरु तत्काल फिर्ता लिन म पुनः आग्रह गर्दछु ।
लोकतन्त्रमा मात्र सबैको अधिकार सुनिश्चित हुने भएकोले यसको रक्षार्थ सबै जना सजग रहन म आग्रह गर्दछु । यो अवसरमा बीर योद्धाहरुको साहस, संकल्प र वलिदानको धरोहरको रुपमा स्थापित लोकतन्त्रलाई कमजोर हुन दिने छैनौँ भनेर प्रण गरौं ।
जय नेपाल !
शेरबहादुर देउवा
सभापति
यो खबर पढेर तपाईलाई कस्तो महसुस भयो ?

प्रतिक्रिया दिनुहोस
महाशिवरात्रि पर्वलाई व्यवस्थित बनाउन विभिन्न समिति बनाएर तयारी तीव्र

  काठमाडौँ ।  पशुपति क्षेत्र विकास कोषले यस वर्षको यही फागुन २५ गते

महानगरपालिकाद्वारा तीन अस्पतालको फोहोर संकलनमा रोक

काठमाडौँ । काठमाडौं महानगरपालिकाले स्वास्थ्य संस्थाजन्य फोहोर व्यवस्थापन अभ्यास अनुगमनका क्रममा आइतबार तीन

हत्या अभियोगमा कञ्चनपुरमा वडाध्यक्षसहित ६ जना पक्राउ

कञ्चनपुर । कञ्चनपुरमा एक वडाध्यक्षसहित ६ जना पक्राउ परेका छन् । जिल्लाको बेलौरी

नापी सर्भेक्षक र लेखापढी व्यवसायीविरुद्ध भ्रष्टाचार मुद्दा दर्ता

काठमाडौं । नापी कार्यालय कलंकीका सर्भेक्षक लक्ष्मीप्रसाद चौलागाईं र लेखापढी व्यवसायी नेत्रबहादुर पोखरेलविरूद्ध