थप तीन जना कोरोना संक्रमित फेला, संक्रमितको संख्या ४५ पुग्यो

काठमाडौं । नेपालमा थप तीन जना कोरोना संक्रमित भेटिएका छन् । बीपी कोइराला स्वास्थ्य विज्ञान प्रतिष्ठान धरानमा गरिएको पिसिआर परीक्षणमा तीन जना पुरुषमा कोरोना पोजेटिभ देखिएको स्वास्थ्य मन्त्रालयका प्रवक्ता डा. विकास देवकोटाले जानकारी दिए ।

योसँगै नेपालमा संक्रमितको संख्या ४५ पुगेको छ । त्यसैगरी कोरोनाबाट निको भई अस्पतालबाट डिस्चार्ज हुनेको संख्या सात पुगेको छ । यसअघि पाँच जना डिस्चार्ज भएकामा आज दुई जना डिस्चार्ज भएका छन् ।