सुदूरपश्चिमका पहिलो कोरोना संक्रमित अस्पतालबाट डिस्चार्ज

धनगढी । कैलालीको धनगढीका कोरोना जितेर घर फर्किएका छन् । सुदूरपश्चिमका पहिलो कोरोना संक्रमित ती युवक सेती प्रादेशिक अस्पतालबाट मंगलबार डिस्चार्ज भएका हुन् । धनगढी उपमहानगरपालिका वडा नम्बर ५ का ३४ वर्षीय उनी ३० दिन अस्पताल बसेपछि कोरोनालाई जितेर घर फर्किएका हुन् ।

कोरोना परीक्षण रिपोर्ट ‘नेगेटिभ’ आएपछि उनलाई अस्पतालले डिस्चार्ज गरेको हो । दुबईबाट नेपाल आएका उनमा चैत १४ गते कोरोना पुष्टि भएको थियो । यसअघि सेती प्रादेशिक अस्पतालमै उपचार गराएका लम्कीका २१ वर्षीय संक्रमित युवक पनि डिस्चार्ज भएका थिए । अब सेतीमा तीन जना संक्रमितको उपचार भइरहेको छ ।