नेपालमा थप एक जनामा कोरोना भाइरसको संक्रमण

काठमाडौं । नेपालमा थप एक जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार शनिबार ६५ वर्षीय एक पुरुषमा कोरोना संक्रमण पुष्टि भएको हो । यो सँगै नेपालमा कोरोना संक्रमितको संख्या ३१ पुगेको छ ।

ती मध्ये तीन जना निको भएर घर फर्किएका छन् । चीनबाट आएका एक जना केही समयअघि नै निको भएर घर फर्किएका थिए भने काठमाडौंकी प्रसिद्धि र १७ दिनदेखि उपचाररत नेपालकी छैटौँ कोरोना सङ्क्रमित बाग्लुङकी ६५ बर्षीय महिला स्वास्थ्यलाभपछि शनिबार अस्पतालबाट डिस्चार्ज भएका छन् । अब अस्पतालमा २८ जना उपचाररत छन् ।