अग्रपंक्तिमा कार्यरत स्वास्थ्यकर्मी र सुरक्षाकर्मीको अविलम्ब वीमा गर्न राप्रपा अध्यक्ष राणाको माग



काठमाडौं । राष्ट्रिय प्रजातन्त्र पार्टी (राप्रपा) का अध्यक्ष पशुपति शमशेर जबराले ज्यानको जोखिम मोलेर अग्रपंक्तिमा कार्यरत स्वास्थ्यकर्मी र सुरक्षाकर्मीका लागि विलम्ब नगरी वीमाको व्यवस्था गर्नु पर्ने बताएका छन् ।

‘स्वास्थ्यकर्मी, सुरक्षाकर्मीका लागि सरकारले यथाशिघ्र वीमाको व्यवस्था गर्नुपर्दछ,’ अध्यक्ष राणाले बिहीबार भने । ‘जनता सहयोग गर्न तत्पर छन्, ढिला गर्न बुद्धिमानी हुने छैन ।’

विभिन्न काम व्यवसायका कारण भारतमा रहेका नेपालीहरूलाई सरकारले स्वदेश फर्कन रोक लगाउन नहुनेमा राणाले जोड दिएका छन् । ‘क्वारेन्टयनलगायत स्वास्थ्यसम्बन्धी सम्पूर्ण प्रोटोकल पूरा गरेर सीमाक्षेत्रमा अलपत्र नागरिकहरूलाई मातृभूमि प्रवेश गराउने प्रबन्ध मिलाउनु पर्दछ,’ उनले ट्वीट गर्दै भने ।

संक्रमणको महामारीमा ठूलो जोखिम मोलेर अग्रमोर्चामा कार्यरत डाक्टर, नर्स, सुरक्षाकर्मी, सहयोगी सबैले सुरक्षित महसुस गरे देश सुरक्षित रहने अवस्था छ । यसै यथार्थलाई मध्यनजर गर्दै अध्यक्ष राणाले चाँडोभन्दा चाँडो वीमाको व्यवस्था गर्न सरकारको ध्यानाकर्षण गराएका छन् ।

उनले ट्वीटमा भनेका छन्, ‘कोरोनाविरुद्ध अंग्रपंक्तिमा कार्यरत स्वास्थ्यकर्मी, सुरक्षाकर्मीका लागि सरकारले यथाशिघ्र वीमाको व्यवस्था गर्नुपर्दछ । क्वारेन्टायनलगायत सबै प्रोटोकल पूरा गरेर सीमाक्षेत्रमा अलपत्र नागरिकहरूलाई मातृभूमि प्रवेश गराउनु पर्दछ । जनता सहयोग गर्न तत्पर छन्, ढिला गर्न बुद्धिमानी हुने छैन ।’

कोरोना महामारीसँग संघर्षरत देशहरूमा स्वास्थ्यकर्मीका सेवासुविधा, सुरक्षाका लागि विशेष व्यवस्था अवलम्बन गरिएको छ । भारतको दिल्लीमा बुधबार मात्रै अरविन्द केजरीवालले, कोभिड उपचारको क्रममा मृत्युवरण गर्ने स्वास्थ्यकर्मीका परिवारलाई एक करोड भारतीय रूपैयाँ प्रदान गर्ने घोषणा गरेका थिए ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
झापामा फेरि निषेधाज्ञा

झापा । कोभिड–१९ को सङ्क्रमण रोकथाम र नियन्त्रणका लागि झापाका प्रमुख जिल्ला अधिकारी

भरतपुर अस्पताल भरियो कोरोना सङ्क्रमितले

चितवन । चितवनको भरतपुर अस्पतालमा कोरोना सङ्क्रमणका बिरामीको चाप बढेको छ । जिल्लामा

उदयपुरमा कोरोना सङ्क्रमणबाट एकै परिवारका तीन जनाको मृत्यु

गाइघाट । उदयपुरको त्रियुगा नगरपालिका–२ खैजनपुरगाउँमा कोरोना सङ्क्रमणबाट एकै परिवारको तीन जनाको मृत्यु

मेलम्चीको बाढीले यसरी बगायो चनौटेको रातो पुल(भिडियोसहित)

मेलम्ची । शनिबार रातिदेखि आएको बाढीले चनौटेको रातो पुल बगाएको छ । स्थानीयवासी