फेरि भेटियो १९ वर्षीया युवतीमा कोरोना भाइरसको संक्रमण, संक्रमितको संख्या पाँच पुग्यो

काठमाडौं । नेपालमा अर्का एक जना कोरोना संक्रमित भेटिएका छन् । १९ वर्षीया युवतीमा कोरोना पोजेटिभ देखिएको हो । बेल्जियमबाट चैत चार गते आएकी युवतीमा कोरोना संक्रमण देखिएको स्वास्थ्य मन्त्रालयले जानकारी दिएको छ ।

उनी चिकित्सकको सम्पर्कमा रहेको र अवस्था सामान्य रहेको मन्त्रालयले जनाएको छ । योसँगै नेपालमा कोरोना संक्रमितको संख्या पाँच पुगेको छ । चीनबाट आएका एक जना उपचार गरी निको भई घर फर्किसकेका छन् भने दुई जनाको टेकुमा, एक जनाको सेती प्रादेशिक अस्पतालमा उपचार भइरहेको छ ।