चिकित्सा शिक्षा आयोगका उपाध्यक्ष डा. गिरीलाई अख्तियारको पत्र



काठमाडौं । झापाको प्रस्तावित विएण्डसी मेडिकल कलेजलाई सम्वधन दिन २० करोड रुपैया घुस मागेको आरोप लागेका चिकित्सा शिक्षा आयोगका उपाध्यक्ष डा. श्रीकृष्ण गिरीलाई अख्तियार दुरुपयोग अनुसन्धान आयोगले आवश्यक अनुसन्धानका लागि पत्र काटेको छ । अख्तियार सम्वद्ध उच्च स्रोतबाट प्राप्त जानकारी अनुसार गत माघ १९ गते दर्ता भएको उजुरीका आधारमा आयोगको मुद्धा शाखाबाट चलानी नम्वर १४१८७ को पत्र उपाध्यक्ष डा. गिरीलाई पठाई अनुसन्धान अघि बढाईएको छ ।

श्रीकृष्ण गिरी तत्कालीन न्याम्सका शिक्षाध्यक्ष (रेक्टर) जिम्मेवारी सम्हाल्दा गिरीले विद्यार्थीका लागि आएको करिब एक लाख अमेरिकी डलरको छात्रवृत्तिमा आफैं ‘विद्यार्थी’ बनेर विदेश सयर गरी भ्रष्टाचार गरेको विषयमा बिबादित रहदै आएका छन् । सो संवन्धमावीर अस्पतालका डा.जेनेन्द्र चौधरीले दिएको निवेदन उपर कारवाही गर्ने क्रममा अख्तियारले डा. गिरीलाई पत्र काटेको हो । यसैसँग २० कारोड घुस मागेको र अयोग्यता सम्बन्धी विषयहरु पनि समावेश गरी अख्तियारले एकमुष्ट अनुसन्धान सुरु गरेको बुझिएको छ ।

स्मरणीय छ, विश्व स्वास्थ्य संगठन (डब्लुएचओ) बाट पाँचजना विद्यार्थीलाई विदेशमा तालिम दिन आएको उक्त रकमबाट तत्कालीन न्याम्सका शिक्षाध्यक्ष (रेक्टर) डा. गिरी एक्लै अस्ट्रेलिया, श्रीलंका, स्विटजरल्यान्ड र अस्ट्रिया घुमेर आएका थिए । यस विरुद्ध वीर अस्पतालका डा. चौधरीले अख्तियारमा उजुरी दिएका थिए । आफूसंग गएको मंसिरमा द्धारिका होटलमा बोलाएर आफ्नो प्रस्तावित विएण्डसी मेडिकल कलेजलाई सम्वन्धन दिन २० करोड घुस मागेको विएण्डसीका सञ्चालक दुर्गा प्रसाईले पत्रकार सम्मेलन नै गरेर आरोप लगाएका थिए । त्यस लगतै उनले आयोग उपाध्यक्ष डा. गिरी विरुद्ध अख्तियार र सम्पत्ति शुद्धिकरण विभागमा भ्रष्टाचारको उजुरी पनि गरेका थिए ।

डा. गिरी विरुद्ध परेका सबै उजुरीलाई एकसाथ जम्मा गरेर छानबिन र अनुसन्धान अगाडि बढाएको अख्तियार स्रोतबाट थाहा भएको छ । उपाध्यक्ष डा. गिरी उपर अख्तियारमा विद्यार्थीको छात्रवृत्ति रकम दुरुपयोग गरेको, योग्यता नपुगे पनि नक्कली कागजात खडा गरी कीर्ते गरेको, बीस करोड घुस मागेको,नर्सिङ कलेजलाई सम्बन्धन दिने क्रममा अनियमितता गरेको लगायतका आरोपमा उजुरीहरु परेका छन् ।

समाचार स्रोतका अनुसार सार्वजनिक पदमा रहेका हुनाले उपाध्यक्ष डा. गिरीलाई निलम्वन गरी थप अनुसन्धान गर्ने तयारी रहेको बुझिएको छ । वर्तमान शिक्षामन्त्री गिरीराजमणी पोखरेलद्धारा पहिलो पटक गठन भएको अधिकार सम्पन्न चिकित्सा शिक्षा आयोगमा उनको नियुक्ति भएको थियो । तर चिकित्सा ऐनले निर्धारण गरेको मापदण्ड नपुगेको भन्दै उनको नियक्तिप्रति सुरुदेखि नै विरोध हँुदै आएको छ । झन् घुस प्रकरणमा जोडिएपछि उनी थप बिबादित बन्दै आएका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सिन्धुपाल्चोकका बाढीपहिरो प्रभावितलाई प्रतिपरिवार आठ बन्डल जस्तापाता दिइने

काठमाडौं । प्रधानमन्त्री केपी शर्मा ओलीले सिन्धुपाल्चोकमा बाढी पहिरोबाट विस्थापित परिवारका लागि प्रतिपरिवार

राष्ट्रपतिले ७६(५) बमोजिम ओली मात्रै होइन कसैलाई पनि नियुक्ति गर्न पाउदिन भन्न पाउनुहुन्नः वरिष्ठ अधिवक्ता भट्टराई

काठमाडौँ । वरिष्ठ अधिवक्ता टीकाराम भट्टराईले राष्ट्रपतिलाई संवैधानिक दायित्व निर्वाह गर्दिन भन्ने अधिकार

उपरथीमा बढुवा भएका राणालाई दर्ज्यानी चिह्न प्रदान

काठमाडौं । प्रधानसेनापति पूर्णचन्द्र थापाले पाइलट सहायक रथीबाट उपरथीमा बढुवा भएका आशिष नरसिंह

इटालीद्वारा नेपाललाई स्वास्थ्य सामग्री सहयोग

काठमाडौं । इटालीले नेपाललाई कोभिड–१९ को उपचार तथा रोकथामका लागि दिएको आवश्यक स्वास्थ्य