उपभोग्य वस्तु सहजरुपमा उपलब्ध गराउन सरकारले सुपथ मूल्य पसल सञ्चालन गर्ने



काठमाडौं । सरकारले कोरोना भाइरस संक्रमणलाई लक्षित गरी दैनिक उपभोगका वस्तु सुपथ मूल्यमा सहजरुपमा उपलब्ध गराउन सुपथ मूल्यका पसल सञ्चालन गर्ने भएको छ । संसद्को उद्योग तथा वाणिज्य र श्रम तथा उपभोक्ता हित समितिमा कोरोना भाइरस संक्रमणको जोखिमबारे मंगलबार भएको छलफलमा उद्योग, वाणिज्य तथा आपूर्तिमन्त्री लेखराज भट्टले सुपथ मूल्यका पसल खोल्न लागेको जानकारी गराएका हुन् ।

खाद्यान्नको सस्तो पसल निश्चित ठाउँहरुमा खोल्ने तयारी खाद्य व्यवस्था संस्थान र साल्ट ट्रेडिङ कर्पोरेसनले गरिरहेको उनले बताए । मोबाइल पसलहरु पनि सञ्चालन गर्ने सरकारको तयारी रहेको भन्दै यसले मूल्यवृद्धि र अभाव सिर्जना गर्नबाट रोक्ने जानकारी उनले दिए । उनले ७७ वटै जिल्लामा गृह मन्त्रालयसँग समन्वय गरेर कालोबजारी गर्नेलाई कानुन दायरामा ल्याउने काम भइरहेको पनि बताए ।

मन्त्री भट्टले खाद्यान्न, औषधि, ग्यास, पेट्रोलको कुनै अभाव नरहेको भन्दै नेपाल आयल निगमले शनिबार दिउँसो एक बजेसम्म पेट्रोल डिपो खोल्ने जानकारी दिए ।

बैठकले बजारमा दैनिक उपभोग्य समानमा भइरहेको कालोबजारी रोक्न, आपूर्ति ब्यवस्थालाई सहज बनाउन र प्रभावकारी अनुगमन मार्फत गूणस्तरीयता कायम गर्न सरकारी निकायलाई निर्देशन दिएको समिति सभापति बिमल प्रसाद श्रीवास्तवले जानकारी दिए । त्यस्तै कालोबजारी गर्नेलाई कडा भन्दा कडा कारवाही गर्न पनि सरकारलाई निर्देशन दिइएको उनले बताए ।

कोरोना भाइरसको महामारी फैलिएको भन्दै र बजारमा दैनिक उपभोग्य अभाव नहुने गरि प्रचारप्रसार गर्न पनि समितिले सरकारलाई निर्देशन दिएको छ । बैठकमा सांसदहरुले खुलेआम कालोबजारी भएपनि यसलाई नियन्त्रण गर्न चासो नदेखाएको भन्दै सरकारको ध्यानाकर्षण गराएका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अग्रगामी क्रान्तिकारी वाम ऐक्यबद्धताका लागि प्रचण्डको अपील

काठमाडौं । नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नयाँ वर्षसँगै

राजनीतिक, सामाजिक र आर्थिक विकासका दृष्टिले वर्ष २०७७ उपलब्धिपूर्णः राष्ट्रपति

काठमाडौं । राष्ट्रपति विद्यादेवी भण्डारीले वर्ष २०७७ राजनीतिक, सामाजिक र आर्थिक विकासका दृष्टिले

विक्रम संवत् २०७८ साल सुरु, आपसमा शुभकामना आदानप्रदान गरी मनाइँदै

काठमाडौं । आज विक्रम संवत् दुई हजार अठहत्तर (२०७८) साल वैशाख १ गते

आवश्यकता र स्रोतको क्षमताको आधारमा बजेटका लागि तोकियो सिलिङ

काठमाडौं । राष्ट्रिय योजना आयोगका उपाध्यक्ष पुष्पराज कँडेलले आवश्यकता र स्रोतको क्षमताको आधारमा