डेडिकेटेड र ट्रंक लाइनमा प्राधिकरणको संचालक समिति दोषी रहेको संसदीय उपसमितिको ठहर



काठमाडौं । संसदको सार्वजनिक लेखा समिति अन्तर्गतको उपसमितिले डेडिकेटेड र ट्रंक लाइन विवादमा नेपाल विद्युत प्राधिकरणबाट लापरबाही भएको ठहर गर्दै सम्बन्धित सबैलाई कारवाही गर्न सिफरिस गरेको छ ।

ट्रंक लाइनमार्फत विद्युत उपयोग गर्ने औद्योगिक प्रतिष्ठानहरुको महशुल विवादको विषयमा छानविन गर्न बनाएको उपसमितिले विद्युत प्राधिकरण सञ्चालक समितिलाई नै मुख्य दोषी ठहर गर्दै समितिका सबै पदाधिकारीलाई कारवाहीका लागि अख्तियार दुरुपयोग अनुसन्धान आयोगसमक्ष सिफारिस गर्न मूल समितिलाई सिफारिस गरेको हो ।

लेखा समितिका सदस्य मिनेन्द्र रिजालको संयोजकत्वमा बनाइएको उपसमितिले शुक्रबार समितिका सभापति भरत शाहलाई प्रतिवेदन बुझाउँदै प्राधिकरणका सञ्चालक समिति, प्रबन्ध निर्देशक र विभागीय जिम्मेवारी लिएकाहरुमाथि छानविन गरी कारबाही गर्न अख्तियार दुरुपयोग अनुसन्धन आयोगलाई निर्देशन दिने प्रस्ताव गरेको छ । ट्रंक लाइन विवादमा २०७३ असार १७ देखिको सञ्चालक समितिका पदाधिकारी दोषी रहेको औंल्याएको छ ।

प्रतिवेदनमा सञ्चालक समितिले डेडिकेटेड फिडर तथा ट्रंक लाइनमार्फत विद्युत उपयोग गरेवापत अतिरिक्त महशुल अशुल गर्न बनाइएको निर्देशिका कार्यान्वयन नगरेर अख्तियारको दुरुपयोग गरेको ठहर गरिएको छ ।

प्रतिवेदन बुझाउदै उपसमितिका संयोजक रिजालले नेपाल विद्युत प्राधिकरणको वर्तमान र पूर्वसञ्चालक समितिका पदाधिकारीविरुद्ध ९ अर्ब घोटालामा मुद्दा चलाउन सिफारिस गरिएको जानकारी दिए । पाँच सदस्यीय अध्ययन उपसमितिमा सांसदहरु तेजुलाल चौधरी, प्रदीप यादव, पार्वतीकुमारी विशुंखे र सूर्य पाठक सदस्य थिए ।

गएको साउन ५ गते गठन भएको उपसमितिले डेडिकेटेड फिडर र ट्रंक लिंकमा भएको अनियमतिमताबारे अध्ययन गरेर प्रतिवेदन तयार पारेको हो । उद्योगहरुले नियमित बाहेकको थप शुल्क नतिरेपछि समितिले छानबिन गरेको हो । प्राधिकरणकै मिलेमतोमा उद्योगीहरुले अतिरिक्त शुल्क नतिरेको दावी समितिको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
निर्वाचन क्षेत्र पूर्वाधार विशेष कार्यक्रम रोक्न आयोगको निर्देशन

काठमाडौं । निर्वाचन घोषणा भएपछि निर्वाचन क्षेत्र पूर्वाधार विशेष कार्यक्रम सञ्चालन गर्न खोजेपछि

काठमाडौं उपत्यकाको फोहर उठाउन एकसाता भन्दाबढी समय लाग्ने

काठमाडौँ । दुई महिनादेखि काठमाडौँ उपत्यकामा थुप्रिएको फोहर व्यवस्थापनका लागि कम्तीमा १० दिनको

राष्ट्रपतिले पाटन पुगेर गरिन् श्रीकृष्णको पूजाअर्चना

ललितपुर । राष्ट्रपति विद्यादेवी भण्डारीले श्रीकृष्ण जन्माष्टमीका अवसरमा पाटनस्थित कृष्ण मन्दिर गई भगवान्

अमलेखगञ्जमा पेट्रोल भण्डारण गृह निर्माण सुरु

वीरगंज । विहारको मोतिहारीदेखि अमलेखगञ्जसम्म पाइपलाइनबाट पेट्रोल आयात गर्ने दोस्रो चरणको परियोजनाअन्तर्गत पूर्वाधार