प्रधानमन्त्रीलाई सामान्य जीवन जिउन कम्तीमा ६ महिनादेखि एक वर्षसम्म लाग्नसक्छः निजी चिकित्सक
काठमाडौं । प्रधानमन्त्री केपीशर्मा ओलीकी निजी चिकित्सक डा. दिव्यासिंह शाहले प्रधानमन्त्रीको स्वास्थ्य अवस्थाप्रति आफूहरु कन्फिडेन्स नभएसम्म डिस्चार्ज नगर्ने बताएकी छिन् । मंगलबार त्रिवि शिक्षण अस्पतालमा आयोजित पत्रकार सम्मेलनमा शाहले प्रधानमन्त्रीको स्वास्थ्यमा अपेक्षाकृत सुधार आएपनि कन्फिडेन्स नभएसम्म डिस्चार्ज नगर्ने बताएकी हुन् ।
सम्भवतः अबको २/३ दिनमा प्रधानमन्त्रीलाई डिस्चार्ज गर्न सकिने उनले बताइन् । प्रधानमन्त्रीलाई अहिले नै डिस्चार्ज गर्न सकिने अवस्था रहेपनि भीडभाडमा जान नहुने भएकाले केही दिन अस्पतालमा राख्न खोजिएको उनले बताइन् । उ
नले यसका लागि परिवारबाटसमेत माग भएको जानकारी दिइन् । सामान्य मानिसले जस्तै जिउन प्रधानमन्त्रीलाई ६ महिनादेखि १ वर्षसम्म लाग्ने शाहको भनाई थियो । प्रधानमन्त्री ओलीको गत बुधबार मिर्गौला प्रत्यारोपण गरिएको थियो ।
