प्रधानमन्त्री ओलीको मिर्गौला प्रत्यारोपण सफल
काठमाडौं । प्रधानमन्त्री केपी शर्मा ओलीको मिर्गौला प्रत्यारोपण सफल भएको छ । मिर्गौला प्रत्यारोपणका लागि प्रधानमन्त्री ओलीलाई बिहान १० बजे अप्रेशन थिएटरमा लगिएको थियो ।
प्रत्यारोपणका लागि करिव पाँच घण्टा लागेको थियो । प्रत्यारोपणपछि प्रधानमन्त्री ओलीले पिसाब गरेको उपचारमा संलग्न चिकित्सकले जानकारी दिएका छन् ।
प्रधानमन्त्री ओलीलाई भान्जी समीक्षा संग्रौलाले मिर्गौला दिएकी हुन् । प्रधानमन्त्री ओलीको मिर्गौला प्रत्यारोपण गरिएको यो दोस्रो पटक हो । यसअघि पहिलोपटक १२ वर्षअघि भारतमा मिर्गौला प्रत्यारोपण गराएका प्रधानमन्त्रीलाई सोमबार अस्पताल भर्ना गरिएको थियो ।
