काभ्रेको चौंरी देउरालीमा यात्रु बस दुर्घटना, ४४ जना घाइते
काभ्रे । काभ्रेपलाञ्चोकको कोशीपारिस्थित चौंरीदेउराली गाउँपालिका–५ ढाँटखर्कमा बुधबार बिहान बस दुर्घटना हुँदा ४४ जना घाइते भएका छन् । रामेछापको गुराँसेबाट काठमाडौँतर्फ आइरहेको बा४ख ७१०२ नम्बरको बस पछाडि सार्ने क्रममा सडकबाट ५० मिटर तल खसेर दुर्घटना भएको प्रहरीले जनाएको छ । घाइतेमध्ये छ जनाको अवस्था गम्भीर रहेको बताइएको छ ।
घाइतेहरु सबैको उपचारका लागि धुलिखेल अस्पताल पठाइसकेको प्रहरीले जनाएको छ । दुर्घटनापछि गाडी चालक भने फरार भएका छन् ।
