वीरगंज चिनी मिलको जग्गा विक्री गर्ने केन्द्र सरकारको निर्णयविरुद्ध प्रदेश सरकार अदालत जाने
जनकपुरधाम । संघीय सरकारले वीरगंज चिनी मिलको जग्गा विक्री गर्ने गरेको निर्णय विरुद्ध प्रदेश सरकार अदालत जाने तयारी गरेको छ ।
जनकपुरमा मंगलबार आयोजित कार्यक्रममा मुख्यमन्त्री लालबाबु राउतले वीरगंज चिनी मिलको जग्गा विक्री गर्ने संघ सरकारको निर्णय विरुद्ध प्रदेश सरकार अदालतमा मुद्दा दिन लागेको जानकारी दिएका हुन् ।
उनले बन्द अवस्थामा रहेको चिनी मिल प्रदेश सरकारलाई हस्तान्तरण गर्नुको साटो विक्री गर्ने निर्णय गरेर प्रदेश सरकारको अधिकार क्षेत्र भित्र हस्तक्षेप गरेकाले त्यसविरुद्ध आफूहरु अदालत जान लागेको बताए ।
उनले संघीय सरकार पटक पटक प्रदेशको क्षेत्राधिकार भित्र हस्तक्षेप गर्दै संघीयताको मर्मलाई लाई समाप्त गर्ने खेल गरि रहेको आरोप समेत लगाए ।
केही दिन अघि मात्र संघीय सरकार वीरगंज चिनी मिलको ६ विघा जग्गा विक्री गर्ने निर्णय गरेको थियो ।