गोकुल बास्कोटाद्वारा विजय मिश्रविरुद्ध काठमाडौं जिल्ला अदालतमा गाली बेइज्जती मुद्दा दर्ता
काठमाडौं । निवर्तमान सूचना तथा संचारमन्त्री गोकुल बास्कोटाले आफूविरुद्ध झुठा लान्छना लगाइएको भन्दै अदालतमा गाली बेइज्जती मुद्दा दर्ता गरेका छन् ।
उनले आफूविरुद्ध झुटो आरोप लगाएको भन्दै जिल्ला अदालत काठमाडौंमा मुद्दा दर्ता गरेका हुन् । उनले सेक्युरिटी प्रिन्टिङ प्रेस खरिदमा कमिसनका लागि घुस मागेको अडियो सार्वजनिक गर्ने विजयप्रकाश मिश्रविरुद्ध उजुरी दिएका छन् ।
उनले फेसबुकमा लेखेका छन्, ‘म विरुद्ध लगाइएको झुट्टा लाञ्छना र गालिबेइज्ज्तीको विरूद्धमा मैले आज आफ्ना प्रतिनिधिमार्फत जिल्ला अदालत, काठमाडौंमा न्याय माग गदै मुद्दा दायर गरेको जानकारी सबैमा गराउँदछु । धन्यवाद ।’
