कोरोना भाइरससँग जुधिरहेको चीनलाई जिस्क्याउने काम नगरौंः पर्यटनमन्त्री भट्टराई
काठमाडौं । संस्कृति, पर्यटन तथा नागरिक उड्डयनमन्त्री योगश भट्टराईले कोरोना भाइरसँग जुधिरहेको चीनलाई नजिस्क्याउन आग्रह गरेका छन् । बुधबार मन्त्रालयमा आयोजित पत्रकार सम्मेलनमा मन्त्री भट्टराईले छिमेकी मुलुक ठूलो प्रकोपको सामना गरिरहेको अवस्थामा जिस्क्याउने, अनर्गल प्रचार गर्ने, कमजोर बनाउने हिसाबले दाउपेच गर्ने बेला अहिले नभएको बताएका हुन् ।
संकटको बेला चीनलाई विश्वस्तरबाट ऐक्यबद्धताको खाँचो रहेको उनले बताए । ‘नेपालले पनि चीनलाई साहस दिने हो। त्यसैले संकटमा साथीकारुपमा हामीले चीनसँगै उभिनुपर्छ’, उनले थपे, ‘चीनले कोरोनाबाट मुक्ति पाएका बेला चिनियाँ पयर्टकहरु बाँध फुटे जस्तो बाहिर निस्किन्छन्, त्यसको फाइदा हामीले लिन सक्नुपर्छ।’
नेपाल सरकार र नेपाली जनताको तर्फबाट चीनलाई ऐक्यवद्धता जनाउँदै भट्टराईले आफुले सक्ने सहयोग गर्न तयार हुनुपर्ने बताए ।
