महराले सफाई पाएको संसद बैठकमा जानकारी, अब बैठकमा भाग लिन पाउने



काठमाडौं । जवरजस्ती करणी मुद्दामा पूर्वसभामुख कृष्णबहादुर महराले जिल्ला अदालत काठमाडौंबाट सफाइ पाएको जानकारी संसदमा गराइएको छ ।

मंगलबार बसेको प्रतिनिधसभाको बैठमा सभामुख अग्नि सापकोटाले दाङ क्षेत्र नम्बर २ बाट निर्वाचित सांसद महरा अदालतबाट सफाइ पाएर सोमबारै डिल्ली बजार कारागारबाट रिहा भएको जानकारी गराएका हुन् । महराकाबारेमा अदालतको फैसलाको जानकारी संसदलाई गराइएसँगै अब उनले प्रतिनिधिसभाको बैठकमा भाग लिन पाउनेछन् ।

उनी प्रतिनिधिसभाको पहिलो लाइनकै कुर्सीमा बस्नेछन् । संसद सचिवालयका प्रवक्ता रोजनाथ पाण्डेले महरालाई अदालतले सफाइ दिएको पत्र प्राप्त भएको जानकारी दिएका छन् । अदालतको फैसलाबाट निर्दोष सावित भएसँगै महराले सांसदका रुपमा १३४ दिन हिरासत र जेलमा बस्दाको समयको सेवा सुविधा पनि पाउनेछन् ।

गत असोज १२ गते संसद सचिवालयकै कर्मचारीमाथि बलात्कार प्रयास अभियोगमा पुर्पक्षका लागि जेल चलान भएका महराको सांसद पद पनि पुनस्र्थापित भएको छ । संसद नियमवाली अनुसार तीन वर्ष भन्दा बढी कैद सजाय तोकिने गम्भीर मुद्दामा अभियुक्त ठहर भएपछि महरा सांसद पदबाट स्वतः निलम्बित भएका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
देशभर मोबाइल र इन्टरनेटको गुणस्तर परीक्षण गरिने

काठमाडौं । नेपाल दूरसञ्चार प्राधिकरणले एकैपटक देशभर मोबाइल र इन्टरनेटको गुणस्तर परीक्षण गर्ने

थप ३०३ जनामा कोरोना संक्रमण, मृत्यु हुनेको संख्या २०१७ पुग्यो

काठमाडौं । नेपालमा थप ३०३ जनामा कोरोना संक्रमण पुष्टि भएको छ । स्वास्थ्य

के टू आरोहण गरेर फर्केका कीर्तिमानी आरोहीलाई सरकारले गर्यो सम्मान

काठमाडौं । विश्वको दोस्रो अग्लो हिमाल माउन्ट के टू आरोहण गरेर फर्केका कीर्तिमानी

काठमाडौँ उपत्यकामा १७ खोपकेन्द्रबाट कोभिडविरुद्धको खोप दिइने

काठमाडौं । कोभिड –१९ को विरुद्धको ‘कोभिशिल्ड’ खोप काठमाडौँ उपत्यकामा १७ खोपकेन्द्रबाट दिइने