गायिका आस्था राउतद्वारा प्रहरी समक्ष ‘आत्मसमर्पण’
काठमाडौं । अभद्र व्यवहारको मुद्दामा पक्राउ पूर्जी जारी गरिएकी गायिका आस्था राउतले प्रहरी समक्ष आत्मसमर्पण गरेकी छन् । राउत सोमबार बिहान महानगरीय प्रहरी परिसर काठमाडौंमा आफैं गएकी हुन् ।
राउत परिवारका साथमा परिसर पुगेकी थिइन् । राउतमाथि अभद्र व्यवहार कसुरको मुद्दामा आवश्यक अनुसन्धान थालिएको छ । राउतमाथि माघ १ गते त्रिभुवन अन्तर्राष्ट्रिय विमानस्थलमा प्रहरी जवान रमिता श्रेष्ठमाथि दुव्र्यवहार गरेको आरोप छ । सुरक्षा जाँचका क्रममा गायिका राउतको महिला प्रहरी श्रेष्ठसँग विवाद भएको थियो ।
त्यसपछि उनले फेसबुकमार्फत श्रेष्ठ र प्रहरी संगठनमाथि आक्रोश पोखेकी थिइन् । श्रेष्ठले जाहेरी दिएपछि जिल्ला प्रशासन कार्यालय काठमाडौंले माघ ५ गते राउतविरूद्ध पक्राउ पूर्जी जारी गरेको थियो ।
